Hothon par hansi hai aur ankhen nam hain
Chehre par khushi hai aur dil main gam hai
Anjanon ki hi mehfil main to rishte panapte hain
Kuch apne ban jate hain kuch bachke nikalte hain
Kahin kahin bikhre anginat ye rang hain
Zinda zindagi main buton se hum hai
Dil ki baaton ko kyun dimaag sochta hai
Jahan pyar milta hai usi ko kosta hai
Mehfil main hansta hai, akele main rota hai
Jo apna ban jata hai usi ko khota hai
Kareeb se dekha to har chehre par ek nishani hai
Surat alag-alag hain saanjhi kahani hai
Pyaar ke do bol yahan kismet walon ko milte hain
Na umra dekhte hain na pehchan puchte hain
To tu kyun apni aan main nazren fira ke bitha hai
Tu kaisi apni shaan main, bhauhen chadha ke baitha hai
Nazron main teri ek gehra intezar hai
Tu aaj ko tarsakar kal se karta pyaar hai
Apnon ko rulakar gairon pe aitbaar hai
Khol de darwaze roshni ghar kar jaegi
Tujhe teri haar main jeet mil jaegi
Uncha banane ke liye parvat par chadha nahin jata
Neeche rehkar gehra saagar sabko gale lagata hai
Sab dhoop dhaam sehkar taruvar tujhko chaya pahunchata hai
Jis din tere hone ka tujhko khud par samman hoga
Jis din sab kuch pa lene par khone ka abhimaan hoga
Jis din khud par hanste hanste, tu aankh moondkar royega
Us din to chain se jeeyega, us din to chain se soyega
0 comments:
Post a Comment